Ամերիկյան Նյութաուն քաղաքի բնակիչ Դելլ Հոլը Մեծ պահքին կարողացել է 46 օր շարունակ ուտելիքի փոխարեն միայն գարեջուր խմել և նիհարել է 20 կգ։
Հոլը պահքը սկսել է մարտի 6-ին և ավարտել կիրակի օրը՝ ապրիլի 21-ին։ Նրան ոգեշնչել է Մյունխենի մերձակայքում գտնվող վանքի վանականների օրինակը․ նրանք միջնադարում պահքի ժամանակ բացառապես սեփական արտադրության գարեջուր են օգտագործել, որի թնդությունը հասել է 12 աստիճանի։
Հոլը զուգահեռաբար երբեմն ոչ քաղցր թեյ և սև սուրճ է օգտագործել։ Մեկ օրում նա խմել է 2-5 շիշ գարեջուր։ Նա ասում է, որ երբեք քաղց չի զգացել և չի հարբել, միայն երբեմն երազում ուտելիք է տեսել։
Պահքի սկզբում նա կշռել է 132,6 կգ։ Հոլը պնդում է, որ իր առողջական վիճակը նկատելիորեն բարելավվել է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել