Operativ.am-ը գրում է․

Հռոմի ոստիկանությունը ձերբակալել է մի տղամարդու, որը թմրանյութերի համար որպես 
գաղտնարան օգտագործել է պատմական հուշահամալիր հանդիսացող «Վերանո» 
գերեզմանոցը։ Ինչպես հայտնում է ՏԱՍՍ-ը, ընդհանուր առմամբ բռնագանձվել է 
110 000 խնամքով փաթեթավորված կոկաինի չափաբաժին՝ պատրաստ վաճառքի համար։

Թմրավաճառը մարմարի 42-ամյա վարպետ է, որը աշխատում է գերեզմանոցում։ Նա
գրավել է ոստիկանների ուշադրությունը, որոնք հետեւել են նրան եւ բռնացրել 
թմրանյութը վաճառքի համար հանելիս։

Մանրամասն խուզարկության ժամանակ իրավապահները գերեզմաններից մեկում նաեւ ատրճանակ են հայտնաբերել։

«Վերանո» պատմական գերեզմանոցը հիմնվել է XIX դարի սկզբին։ Այնտեղ 
ավանդաբար հուղարկավորում են արվեստի, մշակույթի ոլորտի հայտնի մարդկանց։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել