ԱՄՆ Ֆլորիդա նահանգից 64-ամյա Դենի Լի Ստյուարտը փորձել է իր կնոջը, որը ցանկացել է հեռանալ իրենից, ետ պահել տրակտորով: Միջադեպը տեղի է ունեցել ընտանեկան վեճից հետո, երբ Ստյուարտի կինը հայտարարել է, որ պատրաստ է ամուսնալուծվել, հայտնում է Newsweek պարբերականը:
Հայտնի է, որ տղամարդու կինը տուն է վերադարձել իրերը վերցնելու համար, դրանք տեղավորել է իր մեքենայում և պատրաստվել է հեռանալ, երբ Դենի Լին արգելափակել է ճանապարհը: Տղամարդը տրակտորով տրորել է ցանկապատը, մոտեցել կնոջ մեքենային և բարձիչ-շերեփով կոտրել վարորդի կողմի հետևի դռան ապակին: Կինը կարողացել է փախչել և ոստիկանություն զանգահարել:
Երբ դեպքի վայր են ժամանել շերիֆի օգնականները, Ստյուարտը հայտարարել է, որ կինը փորձել է տանել իր գույքը, բայց հատկապես ինչը, չի կարողացել բացատրել: Նրան մեղադրանք է առաջադրվել առանց սպանելու մտադրության ծանրացուցիչ հանգամանքներով զինված հարձակման մեջ:
