Բոտսվանայում բացառիկ կապույտ ադամանդ են գտել։
Գտածոյի մասին հայտարարել է բոտսվանական պետական Okavango Diamond Company կազմակերպությունը։ Ադամանդը օվալաձև է, իսկ կշիռը կազմում է 20,46 կարատ։
Ադամանդն անվանել են «Կապույտ Օկավանգո»՝ ի պատիվ երկրագնդի ամենամեծ ներքին դելտայի՝ Օկավանգոյի։
Կապույտ գույնն ադամանդների համար շատ բացառիկ գույն է։ Թանկարժեք քարերն այս գույնը ստանում են բորի միացությունների շնորհիվ։
Մեկ կարատ կշռով կապույտ ադամանդի գինը կարող է կազմել 150-170 հազար դոլար։
2018 թվականի հուլիսին ռուսական «Ալռոսա» կազմակերպությունը հայտնել էր, որ գտել են ադամանդ, որն ունի ֆուտբոլի գնդակի ձև և գունավորում։ Յուրահատուկ թանկարժեք քարը, որի քաշը 0,5 կարատ էր, հայտնաբերել էին Արխանգելսկի շրջանում։ Քարն անվանել են «Իգր Ակինֆեև»՝ ի պատիվ Ռուսաստանի ֆուտբոլի հավաքականի դարպասապահի։