Ermenihaber.am-ը գրում է.
Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Փերվին Բուլդանը շնորհավորել է գլխավոր ըննդիմադիր«Ժողովրդահանրապետական կուսակցության» (ԺՀԿ-CHP) թեկնածու Էքրեմ Իմամօղլուին՝ Ստամբուլի քաղաքապետ նշանակվելու կապակցությամբ։
HDP-ի համանախագահ Բուլդանը հաջողություններ է մաղթել Իմամօղլուին և առաջարկով հանդես եկել։
Փերվին Բուլդանը նշել է, որպես Ստամբուլի քույր քաղաք՝ լավագույն համադրությունը կլինի Կարսը։
Նրա խոսքով՝ իրենց կուսակցությունն էլ առաջին անգամ է հաղթում Կարսում։
Միջանկյալ նշենք, որ ընդդիմադիր CHP-ն վերջին 25 տարում առաջին անգամ է հաղթել Ստամբուլում։
HDP-ի թվիթերյան պաշտոնական էջում նույնպես գրառում է կատարվել Էքրեմ Իմամօղլուի ընտրվելու կապակցությամբ։
«Շնորհավորում ենք քաղաքապետ Էքրեմ Իմամօղլուին։ Երկրի յուրաքանչյուր կողմում ծավալվող ժողովրդավարության և իրավական պայքարում վաղ թե ուշ հաղթելու ենք»,֊ասված է գրառման մեջ։
