Շոտլանդիայի բնակչուհիներից մեկը հայտնել է, որ կրակի մեջ հայտնված Փարիզի Աստվածամոր տաճարը պատկերող կադրերից մեկում, որը երկուշաբթի տարածվել էր սոցցանցում, նշմարել է Հիսուսի կերպարը:

«Գուցե միտքս խաղ է խաղում ինձ հետ, բայց ուշադիր նայեք այս լուսանկարին և ասեք, թե ինչ եք տեսնում», - Fox News-ի փոխանցմամբ՝ գրել է 38-ամյա Լեսլի Ռոուվենը:

Մեկնաբանություններում նա նշել է, որ նշմարել է Հիսուսի պատկերը: «Երբ տեսա այս լուսանկարն անցյալ գիշեր, ապշած էի: Երբ նայեցի նկարին, տեսա Հիսուսի ուրվագիծը: Ես իսկապես կարողացել եմ տեսնել կենդանի պատկերը», - գրել է շոտլանդուհին:

Մի շարք օգտատերեր նույնպես նշել են, որ իրենք նույնպես նկատում են այդ պատկերը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել