Aysor.am-ը գրում է.

ԱԺ «Իմ քայլը» խմբակցության պատգամավոր Նարեկ Մկրտչյանն այսօր խորհրդարանում ՀՀ վարչապետին հարց ուղղեց՝ արդյոք ժամանակը չէ, որ Հայաստանը, մի շարք երկրների օրինակին հետևելով, ստեղծի ազգային ինքնանորացման երկարաժամկետ հայեցակարգ, որից կբխի մեր ապագայի տեսլականը։

Նիկոլ Փաշինյանը ի պատասխան նկատեց, որ մի շարք երկրներում անգամ Ապագայի նախարարություն է գործում, ապա կեսկատակ հավելեց, որ պատկերացնում է՝ ինչ կկատարվի ՀՀ ազգային ժողովում, եթե ՀՀ կառավարության կառուցվածքում նույնատիպ նախարարության վերաբերյալ առաջարկություն արվեր։

«Կարծում եմ, որ այն խոսակցությունը, որը հիմա տեղի է ունենում, ապագայի մասին խոսակցություն է, և այն որոշումները, որ մենք կայացնում ենք, իրականում ապագայի մասին են։ Ձեր հարցն ավելի շատ վերաբերում է այդ ապագայի մասին պատկերացումների փաստաթղթավորմանը, և մեր ծրագրերում այդպիսի մտադրություն իրականում կա։ Կարծում եմ՝ մենք ապագայի վերաբերյալ մի շարք կարևոր հարցերի վերաբերյալ պատասխաններ տվել ենք՝ այդ թվում ասելով, որ Հայաստանը պետք է լինի տեխնոլոգիական երկիր», - ասաց Նիկոլ Փաշինյանը։

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել