Թուրքիան կարող է ռուսական С-400 զենիթահրթիռային համակարգերը ժամանակավորապես տեղակայել Ադրբեջանում:
Տեղեկացվում է, որ չի բացառվում, որ С-400 ՀՕՊ համակարգերը կարող են ժամանակավոր պահպանման ուղարկվել Քաթար:
Լրատվամիջոցների տվյալների համաձայն, ներկայումս Թուրքիան դեռ չի կողմնորոշվել, թե երկրներից որում կարող են ժամանակավորապես պահվել ռուսական С-400 ՀՕՊ համակարգերը:
«Թուրքիայի իշխանությունները դեռևս ոչ հերքել և ոչ էլ հաստատել են տվյալ տեղեկատվությունը»,- գրում են լրատվամիջոցները:
Ավելի վաղ, Թուրքիայի արտգործնախարար Մևլութ Չավուշօղոլուն հայտարարել էր, որ ԱՄՆ-ի և ՆԱՏՕ-ի մասնագետները կարող են ժամանել Թուրքիա՝ համոզվելու համար, որ ռուսական С-400 հակաօդային պաշտպանության համակարգը սպառնալիք չի ներկայացնում ՆԱՏՕ-ի համար:
Թուրքիայի նախագահ Ռեջեփ Թայիփ Էրդողանը նշել է, որ չնայած Միացյալ Նահանգների բողոքներին, Թուրքիան չի հրաժարվի C-400-ի ձեռքբերումից:
«Սա խնդիր է, որն արդեն լուծված է Թուրքիայի համար»,- ասել է Էրդողանը:
