Անմահական համեղ Կապուչինո. սուրճով և սերուցքով ընկուզային տորթ

Այսօր մի անկրկնելի համեղ տորթ ենք առաջարկում. տորթ «Կապուչինո», որի պատրաստման համար ընդամենը մի քիչ ժամանակ է պետք տրամադրել և հետևյալ բաղադրիչները.

• 5 սպիտակուց
• 2 դեղնուց
• 6 ճ/գ շաքարավազ
• 6 ճ/գ մանրացված ընկույզ
• 10 ճ/գ կաթ
• 7 ճ/գ ալյուր
• Աղ
• 1 հատ փխրեցուցիչ
• 1 թ/գ կակաո

Կապուչինոյի համով կրեմի համար

• 4 դեղնուց
• 600 մլ կաթ
• 150 գ շաքար
• 40 գ օսլա
• 25 գ ալյուր
• 3 բաժին լուծվող կապուչինոյի փոշի
• Աղ
• 250 գ կարագ

Սրճային կրեմի համար

• 4 դեղնուց
• 80 գ շաքարի փոշի
• 3 ճ/գ կաթ
• 100 մլ սուրճ
• 3 ճ/գ կաթ
• 200 գ կարագ
• Այլ բաղադրիչներ
• 250 գ հարած սերուցք

  Պատրաստման եղանակը

  1. Սպիտակուցը հարեք չոր ու մաքուր տարայի մեջ մեկ պտղունց աղով՝ սկզբում ցածր արագության վրա․ կամաց-կամաց կարող եք արագացնել։ Հարեք մոտ 10 րոպե։

  2. Այնուհետև սպիտակուցին աստիճանաբար շաքարն ավելացրեք՝ շարունակելով հարել, մինչև լավ պնդանա։

  3. Կամաց-կամաց սպիտակուցին ավելացրեք դեղնուցները։ Ալյուրը մաղեք կակաոյի և փխրեցուցիչի հետ միասին և զգուշությամբ ավելացրեք սպիտակուցին։ Լավ խառնեք բահիկով։

  4. Կաթը տաքացրեք (այն պետք է գոլ լինի) և բարակ շիթով ավելացրեք խմորին։ Նորից լավ խառնեք բահիկով։ Վերջում ավելացրեք բոված և մանրացված ընկույզը։

  5. Տապակի վրա յուղթուղթ փռեք և լցրեք խմորը։ Թխեք 30 րոպե տաք ջեռոցում, թողեք` լավ սառչի և թելի ու սուր դանակի օգնությամբ չորս շերտի բաժանեք։

  6. Սուրճը լուծեք քիչ քանակությամբ տաք ջրի մեջ։ Հարիչի օգնությամբ դեղնուցը փրփուրի վերածեք, ավելացրեք շաքարավազը, կաթը և սուրճը, լավ խառնեք և դրեք ջրային բաղնիքի վրա։

  7. Անընդհատ խառնեք կրեմը, մինչև պնդանա, և սառեցրեք։ Կարագը փափկեցրեք հարիչով և ավելացրեք սառած սրճային կրեմին, միասին հարիչով լավ հարեք։

  8. Կապուչինոյի համով կրեմի համար դեղնուցները լավ հարեք մինչև փրփրելը, ավելացրեք աղ, շաքար, ալյուր, լուծվող կապուչինո, օսլա և լավ խառնեք։ Վրան կաթ ավելացրեք և դրեք ջրային բաղնիքի վրա։

  9. Անընդհատ խառնեք մինչև պնդանալը, հետո սառեցրեք։ Կարագը հարեք և ավելացրեք կրեմին, լավ հարեք։

  10. Հավաքեք տորթը. առաջին շերտի վրա քսեք կապուչինոյի համով կրեմի կեսը, դրեք երկրորդ շերտը, վրան քսեք սուրճի համով կրեմը, երրորդի վրա՝ կապուչինոն և ծածկեք չորրորդ շերտով։

  11. Տորթը զարդարեք հարած սերուցքով։