Facebook-ի բաժնետերերը կրկին փորձում են ընկերության հիմնադիր Մարկ Ցուկերբերգին հեռացնել տնօրենների խորհրդի նախագահի պաշտոնից: Այս մասին հաղորդում է TASS-ը: Նշվում է, որ այդ առաջարկը տեղ է գտել ծանուցման մեջ, որն ուղարկվել է ԱՄՆ բորսաների և արժեթղթերի դաշնային հանձնաժողովին:
«Facebook-ի գլխավոր տնօրեն Մարկ Ցուկերբերգը նախագահում է խորհրդում (տնօրենների) 2012 թվականից: Երկրորդ դասի բաժնետոմսերին տիրանալու իրավունքը նրան վերապահում է քվեարկող բաժնետոմսերի մոտ 60 տոկոսը՝ նույնիսկ մեկ անկախ տնօրենի առկայության դեպքում խորհրդին թողնելով սահմանափակ հնարավորություն Ցուկերբերգի իշխող լիազորությունները վերահսկելու»,- ասվում է հայտարարության մեջ:
Նշվում է, որ ընկերության կարծիքով՝ այդ հանգամանքը թուլացնում է Facebook-ի ղեկավարությունը և նրա կառավարման նկատմամբ հսկողությունը:
