Ճապոնացի լրագրող Միտիտիկա Հաթորին հայտարարել է, որ ԽՍՀՄ փլուզման պատճառներից մեկը 1985թ.-ին «չոր օրենքի» ներդրումն էր: Այս մասին հաղորդում է Asahi Shimbun-ը:
Նրա խոսքերով՝ հենց ալկոհոլն է «ազդել Ռուսաստանի ճակատագրի վրա», և որպես փաստարկ նա հիշեցրել է ԽՍՀՄ առաջնորդ Միխայիլ Գորբաչովի նախաձեռնած հակաալկոհոլային արշավը:
«… Այն առաջացրել է ալկոհոլից կախվածություն ունեցողների զայրույթը, որոնց հիմնական զվարճանքն ալկոհոլն էր և, ի վերջո, 1991թ.-ի վերջում դա հանգեցրել է ԽՍՀՄ փլուզմանը, ինչպես նաև Գորբաչովի հրաժարականին»,- ասել է Հաթորին:
Ավելին՝ լրագրողը նշել է, որ Ռուսաստանի առաջին նախագահ Բորիս Ելցինը ալկոհոլի հակում է ունեցել, ինչը թույլ է տվել նրան «հեռացնել» ալկոհոլի դեմ պայքարող Գորբաչովին:
Սակայն լրագրողը հստակեցրել է, որ Ռուսաստանի բնակիչներն ավելի քիչ են ալկոհոլ օգտագործում, քան ճապոնացիները: