Tert.am-ը գրում է.
Ամերիկյան HBO հեռուստաալիքն ապրիլի 14-ի երեկոյան սկսել է «Գահերի խաղը» հեռուստասերիալի վերջին՝ ութերորդ եթերաշրջանի ցուցադրությունը: Ութերորդ եթերաշրջանի առաջին մասն արդեն դիտել է 1 մլրդ մարդ, հայտնում է thesun.co.uk կայքը:
Աշխարհի 207 երկրում և տարածքներում ցուցադրվող սերիալի վերջին եթերաշրջանի առաջին մասի ցուցադրությունից հետո միլիոնավոր երկրպագուների համար այն քննարկման գլխավոր թեման է դարձել:
Նշվում է, որ ԱՄՆ որոշ քաղաքներում «Գահերի խաղ»-ի երկրպագուներն իրենց սիրած հերոսների թեմատիկ կոստյումներով ու դիմակներով հավաքվել են միասին՝ մեծ էկրաններին հետևելով բազմաթիվ մրցանակների արժանացած հեռուստանախագծի նոր զարգացումներին:
Աղբյուրը մանրամասնում է, որ առաջին սերիայի ամենաուշագրավ պահը եղել է գլխավոր հերոս Ջոն Սնոուի՝ իր ծագման մասին ճշմարտության բացահայտումը:
Ինչպես ավելի վաղ հայտնել էր tert.am-ը, վերջին եթերաշրջանը, ի տարբերություն նախորդների, ավելի կարճ է ու բաղկացած է վեց մասից: Սերիաները ցուցադրվելու են շաբաթական մեկ անգամ՝ ամեն կիրակի: Վերջին մասը ցուցադրվելու է մայիսի 19-ին:
Ամբողջական հոդվածը կարող եք կարդալ այստեղ