Yerkir.am-ը գրում է.
Ռոսգվարդիան մտադիր է Ադրբեջանին հրավիրել մասնակցելու ռուս-չինական մասշտաբային զորավարժություններին` դիտորդի կարգավիճակով: Այդ մասին հայտնել է Ազգային գվարդիայի զորքերի դաշնային ծառայության տնօրեն գեներալ Վիկտոր Զոլոտովը. հայտնում է Minval.az-ը:
«Ռոսգվարդայի միջազգային կյանքում խոշորագույն իրադարձություն կդառնան չինացի գործընկերների հետ մասշտաբային զորավարժությունները, որոնք նախատեսվում են 2019-ի վերջին: Որպես դիտորդ` զորավարժություններին կմասնակցեն ներկայացուցիչներ Ադրբեջանից, Բելառուսից, Ղազախստանից, Ղրղզստանից և Ուզբեկստանից: Նման համագործակցությունը մենք գնահատում ենք որպես խիստ արդիական»,- ասել է Զոլոտովը Интерфакс-Азербайджан-ի հետ զրույցում:
Նյութի աղբյուր՝ https://www.yerkir.am/news/view/171882.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել