168.am-ը գրում է.

Պետական եկամուտների կոմիտեն դեռևս որևէ նորություն չունի Նորագավիթի մաքսատան այն աշխատակիցների ազատման վերաբերյալ, որոնք պետք է դիմում գրեին և աշխատանքից հեռացվեին ՀՀ վարչապետի հրահանգով։

168.am-ին ՊԵԿ լրատվության բաժնից փոխանցեցին, որ ազատման դիմում գրելը, այնուհետև գալ ստորագրել ու հրամանի նախագիծ պատրաստելը պահանջում է որոշակի ժամանակ։

Մաքսատան ավագ տեսուչ Հայկ Մարտիրոսյանն առավոտյան հայտարարել էր, որ ազատման դիմում է գրելու: ՊԵԿ-ից հետաքրքրվեցինք՝ արդյո՞ք նրա դիմումն արդեն ստորագրել են, լրատվականից պատասխանեցին, որ այդ ամենը երկար գործընթաց է, և այս պահին պաշտոնական որևէ բան չկա, տեղեկություն ունենալու դեպքում այն կհրապարակեն։

Հիշեցնենք, որ ՀՀ վարչապետ Նիկոլ Փաշինյանն ապրիլի 9-ին Նորագավիթի մաքսատուն կատարած այցի ընթացքում ՊԵԿ նախագահին հրահանգել էր աշխատանքից ազատել բոլոր նրանց, որոնք աշխատել այն սենյակում, որտեղ ՀՀ դրոշը հենված է եղել պատին։ Ըստ վարչապետի՝ դրոշի նկատմամբ նման վերաբերմունքն անարգանք է պետական խորհրդանիշի նկատմամբ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել