«Ինչո՞ւ դեմ քվեարկեցիք քաղաքացու օր նշելու իշխանության նախագծին, հարցրինք ԼՀԿ պատգամավոր Գևորգ Գորգիսյանին: «Որովհետև որևէ կառավարություն չպետք է ինքն իր արածներին գնահատական տա, և պետք է հաջորդիվ տան գնահատականը՝ կատարված գործերի ու արդյունքների»:
ԼՀԿ-ում դեմ են քվեարկել 3 հոգի, մյուսները, փաստորեն, գնահատեցին կառավարության «արածները»՝ կողմ քվեարկեցին, ինչո՞ւ: «Դե, մեզ համար դա սկզբունքային հարց չէր, և մենք ազատ ենք թողել, ով ինչպես ցանկացել, քվեարկել է»:
Հիշեցնենք, որ ԱԺ արտահերթ նիստում երեկ երկրորդ ընթերցմամբ ընդունվեց «Տոների և հիշատակի մասին» ՀՀ օրենքում փոփոխություն կատարելու նախագիծը, համաձայն որի՝ ապրիլի վերջին շաբաթ օրը տոն կհայտարարվի և կնշվի Քաղաքացու օր: Նախագիծն ընդունվեց 93 կողմ, 3 դեմ և 5 ձեռնպահ ձայնով: ԲՀԿ-ից շատերը, Ծառուկյանի գլխավորությամբ, չքվեարկեցին նախագծին»,-գրում է թերթը:
