Պարգևատրումների համար կառավարությունը գումար հատկացրեց ՊԵԿ-ին. Ատոմ Ջանջուղազյանն ու մշակույթի փոխնախարարը դեմ քվեարկեցին

Aysor.am-ը գրում է․

Կառավարության այսօրվա նիստում որոշում կայացվեց 2 միլիարդ 330 հազար դրամ հատկացնել ՀՀ պետական եկամուտների կոմիտեին։

 

ՊԵԿ նախագահ Դավիթ Անանյանը տեղեկացրեց, որ որոշման ընդունումը պայմանավորված է նրանով, որ ՊԵԿ-ի 2019 թվականի պարգևատրման ֆոնդը նախատեսվել է 1 միլիարդ 836 հազար դրամ: 

 

Նրա խոսքով՝ վերոնշյալ պարգևատրման ֆոնդը բավարար չէ կոմիտեի բնականոն գործունեությունն ապահովելու նպատակով հարկային և մաքսային մարմինների աշխատանքներում բարձր արդյունավետություն ցուցաբերող աշխատակիցներին նախորդ տարիներից ձևավորված պարգևատրումները տարեսկզբից մինչև տարեվերջ վճարելու համար:  

 

Նշվում է, թե հաշվի առնելով այն, որ ՀՀ կառավարության ծրագրերի գերակա խնդիրներում առաջնահերթ է ՊԵԿ համակարգում կոռուպցիայի իսպառ վերացումը, իսկ այդ նպատակին հասնելու կարևորագույն գործիքներից է համարվում նաև աշխատակիցների նյութական խրախուսումը, ապա աշխատակիցների նյութական խրախուսման ֆոնդի ավելացումը կնպաստի հարկային և մաքսային մարմինների կոմից իրականացվող հսկողական մեխանիզմների կատարելագործմանը, կիրառվող հսկողական գործիքների և վերլուծական գործիքակազմի կիրառության արդյունավետության բարձրացմանը, ռիսկերի համակարգերի կատարելագործմանը՝ ապահովելով հարկային եկամուտներ-ՀՆԱ հարաբերակցության ավելացում, ստուգումների քանակի կրճատում և ստուգումների արդյունավետության բարձրացում: 

Ամբողջական հոդվածը կարող եք կարդալ այստեղ