Tert.am-ը գրում է․
ՀՀ Վերաքննիչ քրեական դատարանում դատավոր Ռուզաննա Բարսեղյանի նախագահությամբ ընթանում է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամանակով երկարացնելու վերաբերյալ առաջին ատյանի դատարանի որոշման դեմ պաշտպանական խմբի կողմից ներկայացված բողոքը: Դատարանում է նաև Ռոբերտ Քոչարյանը:
Նախքան դատական նիստի մեկնարկը լրագրողները Քոչարյանի պաշտպան Հայկ Ալումյանից հետաքրքրվեցին՝ ըստ մամուլի՝ դատավոր Ռուզաննա Բարսեղյանը պարգևատրվել է Ռոբերտ Քոչարյանի կողմից, հնարավո՞ր է դա դատավորի ինքնաբացարկի հիմք հանդիսանա, Ալումյանը նշեց, որ իրենք նման հիմք չեն տեսնում:
«Ես լսել եմ, որ նա պարգևատրված է եղել պարոն Քոչարյանի կողմից, բայց Ռոբերտ Քոչարյանն այդպիսի բան չհիշեց: Գիտեմ նաև, որ ամերիկյան դեսպանատան կողմից էլ է պարգևատրված եղել դատավորը, սա նշանակում է՝ նա լավ դատավոր է: Եթե ամերիկյան դեսպանատունն իր հերթին է համարել, որ լավ դատավոր է, պարոն Քոչարյանն էլ՝ իր հերթին, ուրիշ պարգևներ էլ ունի, դա մեզ ուրախացնում է և կարծում եմ՝ ինքնաբացարկի հիմք չկա»,- ասաց նա:
Ալումյանը տեղեկացրեց, որ միջնորդելու են, որպեսզի դատախազների վերաքննիչ բողոքը թողնվի առանց քննության, որովհետև օրենքով նախատեսված չէ, որ դատախազները կարող են դատարանի որոշման պատճառաբանական մասը վիճարկել:
Ճշտող հարցին՝ արդյոք որևէ պաշտոնյա, մասնավորապես ՀՀ երրորդ նախագահ Սերժ Սարգսյանը կալանավայրում հանդիպել է Ռոբերտ Քոչարյանի հետ, Ալումյանը նշեց, որ ոչ: Նրա խոսքով՝ միայն ՄԻՊ-ն է հանդիպել Ռոբերտ Քոչարյանի հետ:
Ամբողջական հոդվածը կարող եք կարդալ այստեղ
