Թուրքիայի ԱԳՆ-ն պատասխանել է ընտրությունների վերաբերյալ ԱՄՆ կոչին

Թուրքիայի ԱԳՆ պաշտոնական ներկայացուցիչ Համի Աքսոյը պատասխանել է Պետդեպարտամենտի պաշտոնական ներկայացուցչի տեղակալ Ռոբերտ Պալադինոյի հայտարարությանը, որը մինչ այդ ասել էր, որ ԱՄՆ-ը կոչ է անում թուրքական իշխանություններին ճանաչել տեղական ինքնակառավարման մարմինների ընտրությունների արդյունքները, ասվում է Թուրքիայի ԱԳՆ կայքում տեղադրված հայտարարության մեջ։

«Ոչ մի պետություն իրավունք չունի դուրս գալ դեմոկրատիայի շրջանակից և միջամտել այլ երկրների ընտրական գործընթացներին, ինչպես նաև իրեն համարել որպես քվեարկության արդյունքների լեգիտիմության օրինական աղբյուր», - նշել է նա։