Tert.am-ը գրում է.
Ապրիլի 1-ին ՓԲԸ-ներից մեկի աշխատակիցը ոստիկանության Թումանյանի բաժնում հաղորդում է տվել, որ մարտի 30-ի ժամը 14-ից ապրիլի 1-ի ժամը 9-ը ընկած ժամանակահատվածում պատուհանի պոլիէթիլենային թաղանթը պոկելու միջոցով մուտք են գործել արտադրամասի տարածք և գողացել 40 մ էլեկտրական եռակցման պղնձյա մալուխ: Այս մասին հայտնում են ՀՀ ոստիկանությունից:
«Զինանոց-2019» համալիր օպերատիվ-կանխարգելիչ միջոցառման շրջանակներում ոստիկանության Թումանյանի բաժնի քրեական հետախույզները, գողությունը կատարելու կասկածանքով, բերման են ենթարկել Շամլուղ քաղաքի բնակիչ Գրիգոր Մ.-ին: Անձնական խուզարկությամբ նրա մոտ հայտնաբերվել են «ՏՕԶ» տիպի, 16 մմ տրամաչափի երկփողանի ողորկափող հրացան և փամփշտակալ՝ լիցքավորված 16 մմ տրամաչափի 19 փամփուշտներով, որոնց համար փաստաթուղթ չի ներկայացրել:
Գրիգոր Մ.-ն հայտնել է, որ զենք-զինամթերքը գնել է Ախթալա քաղաքի բնակիչ ոմն Ոժոյից: Նա խոստովանել է նաև, որ մարտի 30-ին, ժամը 21.30-ի սահմաններում, հիշյալ գողությունը կատարել է ինքը, իսկ գողոնը վաճառել է Վանաձոր քաղաքի շուկայում:
Ամբողջական հոդվածը կարող եք կարդալ այստեղ։
