Գլոբալ տաքացման հակառակորդները Մեծ Բրիտանիայի խորհրդարանի Համայնքների պալատում «մերկ բողոքի ակցիա» են անցկացրել:
Extinction Rebellion շարժման ակտիվիստները մերկացել են և շարվել այցելուների համար նախատեսված ամբիոնում՝ փորձելով օրենսդիրներին շեղել Brexit-ի քննարկումից և այդպիսով ուշադրություն հրավիրել մոլորակի կլիմայի փոփոխությանը:
Ակտիվիստների լուսանկարներն արել են հենց պատգամավորները՝ Համայնքների պալատի նստատեղերից: Համայնքների պալատի խոսնակ Ջոն Բերկոուն պատգամավորներին կոչ է արել չշեղվել Մեծ Բրիտանիայի ԵՄ-ից դուրս գալու քննարկումներից և շարունակել բանավեճը:
Ոստիկանությունը ակտիվիստներին հեռացրել է խորհրդարանի շենքից: Հասարակական կարգի խախտման համար 12 մարդ ձերբակալվել է:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել