Զատիկի կուլիչը խմորիչով հացի տոնական տարբերակն է։ Այսօր բուրավետ և համեղ կուլիչների բաղադրատոմս ենք առաջարկում, որը կզարդարի զատիկի ձեր ուրախ սեղանը։
Անհրաժեշտ բաղադրիչներ.
- Եռացրած կաթ – 0.5 լիտր
- Կարագ – 250 գ
- Ձու – 5 հատ
- Խմորիչ – 75 գ
- Կոնյակ – 2 ճ/գ
- Վանիլային շաքար – 2 փաթեթ
- Շաքարավազ – 500 գ
- Ալյուր – 1250 գ
- Ձվի դեղնուց – 2 հատ
- Չամիչ – 100 գ
- Աղ – 0.5 թ/գ
Պատրաստման եղանակը.
- Չամիչը լվացեք, վրան եռացրած ջուր լցրեք և թողեք 30 րոպե։ Սառած չամիչը քամեք և թավալեք ալյուրի մեջ։
- Խորը թասի մեջ հարեք 5 ձուն շաքարի հետ, գոլ կաթի մեջ լցրեք խմորիչը։ Ձվի և կաթի զանգվածները միացրեք իրար և ավելացրեք հալած կարագը։ Խառնեք մինչև համասեռ զանգված դառնալը, ծածկեք սրբիչով և թողեք գիշերը տաք տեղում։
- Առավոտյան այս հասունացած զանգվածին ավելացրեք ալյուրի կեսը և խառնեք։ Ավելացրեք չամիչը, կոնյակն ու վանիլային շաքարը։ Խմոր հունցեք՝ աստիճանաբար ավելացնելով ալյուրը։
- Պետք է ստացվի թանձր, ձգվող, ձեռքերին կպչող խմոր։ Ծածկեք այն սրբիչով և թողեք տաք տեղում երկու ժամ։ Երբ խմորը բարձրանա, ձեռքերով նորից խառնեք։
- Կուլիչի համար նախատեսված ձևամանները լցրեք 1/3-ի չափով և կրկին դրեք տաք տեղ։ Խմորը պետք է գրեթե մինչև վերջ բարձրանա։ Դրանից հետո կուլիչները դրեք 180 աստիճան տաքացած ջեռոցը մեկ ժամով (կախված ձևամանների չափից)։ Կուլիչների պատրաստ լինելը ստուգում են փայտիկով։
- Թողեք՝ պատրաստի կուլիչներն ամբողջությամբ սառչեն և զարդարեք ջնարակով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել