Շվեյցարական ժամագործական արվեստը համաշխարհային մշակույթի ժառանգություն կճանաչեն:
Շվեյցարիան և Ֆրանսիան ՅՈՒՆԵՍԿՕ-ին ժամագործական արվեստը և տեխնոլոգիաները մարդկության ոչ նյութական մշակութային ժառանգության ցանկում ընդգրկելու համատեղ հայտ են ներկայացրել: Այս հարցի վերաբերյալ որոշում կկայացվի 2020-ի նոյեմբերին, գրում է Swissinfo պորտալը:
Աշխարհահռչակ շվեյցարացի ժամագործների վարպետությունը հայտնի է ամբողջ աշխարհում: Տարածքային առումով ժամագործությունը հիմնականում տարածված է Ժնևից մինչև Շաֆհաուզեն ընկած տարածաշրջանում, ինչպես նաև մինչև Ֆրանսիայի հետ սահմանային բնակավայրեր:
Հայտնի է, որ Շվեյցարիայի մշակույթի հարցերով դաշնային գերատեսչության տվյալներով ներկայացված հայտում նշվում է նաև երաժշտական տուփերի և մեխանիկական ռոբոտների պատրաստման տեխնոլոգիան, որոնցով հայտնի է Սեն-Կրուա մարզը: