Առողջապահության համաշխարհային կազմակերպությունը խորհուրդ է տալիս օրական 60-80 մգ վիտամին C օգտագործել։ Այս միկրոտարրն օրգանիզմի կողմից ինքնուրույն չի արտադրվում և միայն արտաքին միջոցներով է հնարավոր ստանալ։
Ինչո՞ւ է այդքան կարևոր վիտամին C-ով հարուստ մթերքների օգտագործումը։
Նվազեցնում է քրոնիկական հիվանդությունների հավանականությունը
Այլ հակաօքսիդանտների նման վիտամին C-ն նույնպես մեծ դերակատարում ունի օրգանիզմի պաշտպանության հարցում։ Հակաօքսիդանտներն օգնում են վերականգնել իմունային համակարգը և բջիջները պաշտպանում են ազատ ռադիկալներից։ Բավարար քանակությամբ վիտամին C օգտագործելով կարող եք նվազեցնել սիրտ-անոթային հիվանդությունների հավանականությունը։
Կանխարգելում է երկաթի պակասը
Վիտամին C-ն օգնում է ավելի լավ յուրացնել սննդի մեջ առկա երկաթը։ Այն միկրոտարրն ավելի հեշտ աբսորբացվող է դարձնում։ Սա հատկապես արդիական է բուսակերների համար, ովքեր երկաթի հիմնական մասը ստանում են բնական սննդամթերքներից։
Նվազեցնում է սրտային հիվանդությունների հավանականությունը
Սիրտ-անոթային հիվանդությունների առաջացման պատճառներից մեկը խոլեստերինի բարձր մակարդակն է և բարձր ճնշումը։ Վիտամին C-ն օգնում է պայքարել այս երկուսի դեմ։ Հետազոտությունները ցույց են տալիս, որ այս վիտամինի մեծ քանակությամբ օգտագործումը մեկ քառորդով նվազեցնում է սրտային հիվանդությունների հավանականությունը։
Կարևոր փաստեր վիտամին C-ի մասին
- Վիտամին C-ն ջրի մեջ լուծվում է։ Սա նշանակում է, որ ավելորդ վիտամինները մեզի հետ դուրս են գալիս, այդ պատճառով բավականին դժվար է անցնել նրա վտանգավորության սահմանը։
- Վիտամին C-ի պակասը կարող է դառնալ ցինգայի պատճառ, սակայն ժամանակակից աշխարհում սրանով հիվանդանալը գործնականում անհնար է։
- Վիտամին C-ն հաճախ օգտագործվում է, որպես հակաթթվեցնող միջոց, նրանով հարստացնում են պատրաստի սնունդը։ Հաբերի տեսքով վիտամին C-ի օգտագործումն այդքան էլ արդյունավետ չէ, փոխարենն ավելի ճիշտ կլինի սննդակարգի մեջ ավելացնել բանջարեղենր և խոտաբույսերի քանակը։
