Մայքլ Ջեքսոնի առաջին կինը՝ Լիզա-Մարի Պրեսլին, կանխազգացել է երաժշտի մոտալուտ մահը: Մասնավորապես, նա ենթադրել է, որ երգիչը կարող է մահանալ բժիշկների գործողությունների պատճառով: Այս մասին իր գրքում պատմել է երգչի բժիշկներից մեկը՝ Նիլ Ռաթները, գրում է Daily Mirror-ը:
Առաջին անգամ ամուսնու բժշկի հետ Լիզա-Մարին ծանոթացել է 1995-ին և անմիջապես զգուշացրել նրան, որ թույլ չի տա ամուսնուն վնաս պատճառել:
«Բժիշկները սպանել են իմ հորը, և ես թույլ չեմ տա նույնն անել իմ ամուսնու հետ»,- Պրեսլիի խոսքերը մեջբերվում են Ռաթների գրքում:
Էլվիս Պրեսլին՝ Լիզա-Մարիի հայրը, մահացել է 1977-ին՝ 42 տարեկան հասակում: Որոշ տեղեկությունների համաձայն՝ նրա մահվան պատճառը դեղամիջոցների չարաշահումն էր:
Ջեքսոնը մահացել է 2009-ին՝ 50 տարեկանում: Երգչի մահվան պատճառը պրոպոֆոլ դեղամիջոցի չարաշահումն էր: Նրա բժիշկը շեշտել է, որ վերջին ներարկումն արել է իր հիվանդի «բազմաթիվ խնդրանքներից հետո»:
