Մեծ քանակությամբ գազավորված և քաղցր ըմպելիքների օգտագործումը բարձրացնում է քաղցկեղից, ինչպես նաև սիրտ-անոթային հիվանդություններից մահանալու հավանականությունը։ Այս մասին հայտնել են Հարվարդի համալսարանի գիտնականները՝ վկայակոչելով ուսումնասիրությունների արդյունքները։

Մի շարք ուսումնասիրությունների արդյունքում պարզ է դարձել, որ նրանց շրջանում, ովքեր շաբաթական 3-4 բաժակ գազավորված ըմպելիք են ըմպել, 6 տոկոսով ավելի մահեր են գրանցվել, քան նրանց շրջանում, ովքեր չեն օգտագործել այդ ըմպելիքները։ Ամեն օր մեկ բաժակ գազավորված ըմպելիք ըմպելու պարագայում վաղաժամ մահվան վտանգը բարձրացել է մինչեւ 14 տոկոս, իսկ երկու բաժակի դեպքում՝ 21 տոկոս։

Օրական 2-6 բաժակ գազավորված ըմպելիք օգտագործողների շրջանում 30 տոկոսով ավելի հաճախ են մահացել սրտի կաթվածից, իշեմիկ հիվանդություններից, ուղեղի կաթվածից, իսկ 16 տոկոսով ավելի՝ քաղցկեղից։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել