168.am-ը գրում է.

ՀՀ վարչապետ Նիկոլ Փաշինյանն այսօր լրագրողների հետ հանդիպման ժամանակ անդրադարձավ Ստեփանակերտում Անվտանգության խորհրդի համատեղ նիստին ՀՀ նախագահ Արմեն Սարգսյանին հրավերքի ուշացման մասին հարցին և այդ նիստին ԱԺ նախագահ Արարատ Միրզոյանի մասնակցությանը:

«Արմեն Սարգսյանին ես ընդունում եմ որպես ՀՀ նախագահ»,- ասաց նա՝ նշելով, որ համատեղ նիստի մասին շատ հարցեր որոշվել են նախօրեին երեկոյան, անձամբ ինքն է զանգել Ա.Սարգսյանին՝ հրավիրելու համար, որ հաջորդ առավոտյան պաշտպանության նախարարի հետ ուղղաթիռով գա Ստեփանակերտ, սակայն չի հաջողվել կապ հաստատել, և հանձնարարել է ՀՀ ԱԱԽ քարտուղար Արմեն Գրիգորյանին՝ կապ հաստատել ու հրավիրել ՀՀ նախագահին:

«Արարատ Միրզոյանն ԱԱԽ նիստին մասնակցել է կոնկրետ օրենսդրական նախաձեռնության հետ կապված»,- ասաց Փաշինյանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել