ԱՄՆ Հյուսիսարևմտյան համալսարանի գիտնականները պարզել են, որ ձվի և խոլեստերինի բարձր պարունակությամբ այլ մթերքների հաճախակի օգտագործումը մեծացնում է սրտանոթային հիվանդությունների զարգացման և վաղաժամ մահվան վտանգը: Այս մասին հաղորդվում է MedicalXpress-ի մամլո հաղորդագրությունում:
Մասնագետները վերլուծել են 29615 մարդու մասնակցությամբ 6 ուսումնասիրությունների տվյալները: Կամավորները սննդամթերքի վերաբերյալ հարցաթերթիկներ են լրացրել, որից հետո նրանց առողջական վիճակին հետևել են 31 տարվա ընթացքում:
Պարզվել է, որ օրվա ընթացքում 300 միլիգրամ սննդային խոլեստերինի օգտագործումը կապված է սրտանոթային հիվանդությունների առաջացման հավանականության 17%-ի և վաղաժամ մահվան 18%-ի հետ: Դա կախված չէր հագեցած և այլ ճարպերի օգտագործման հետ:
Բացի դրանից՝ սննդաբաժնի մեջ շաբաթական 3-4 ձվի ներառումը նպաստել է սիրտ-անոթային հիվանդությունների առաջացման վտանգի ավելացմանը 6%-ով և վաղաժամ մահվանը՝ 8%-ով: Գիտնականների խոսքերով՝ մարդիկ պետք է խոլեստերինով հարուստ սննդամթերքների օգտագործման նվազագույն մակարդակ պահպանեն՝ ներառյալ ձուն և կարմիր միսը:
Այնուամենայնիվ, հետազոտողները խորհուրդ չեն տալիս ձվից և այլ մթերքներից լիովին հրաժարվել, քանի որ դրանք հարուստ են օրգանիզմի համար կարևոր տարրերով, այդ թվում՝ ամինաթթուներ, երկաթ և խոլին (վիտամին B4):
