Tert.am-ը գրում է․
Արցախին Հայաստանի մարզի կարգավիճակ տալու մասին որոշումը պետք է վերապահել 2020 թվականին ձևավորվելիք արցախյան իշխանություններին. այս մասին «Սասնա Ծռեր» կուսակցության ասուլիսի ժամանակ հայտարարեց կուսակցության ստեղծման նախաձեռնողներից Ժիրայր Սեֆիլյանը:
Հարցին`արդյոք արցախցիները, որոնք դե յուրե ստացել են անկախություն, համաձայն կլինե՞ն, որ Արցախը որպես մարզ ներառվի ՀՀ կազմում, Սեֆիլյանը պատասխանեց, որ վստահ է` արցախցիների բացարձակ մեծամասնության սրտով է իրենց այս նախաձեռնությունը:
«Այս հարցում պետք է աճապարել: Բոլորս նկատում ենք վերջին աշխարհաքաղաքական զարգացումները, տեսնում ենք`ինչպիսի վտանգ է կախված մեր երկրի, հատկապես Արցախի վրա: Արցախի վրա կախված է աբխազականացման վտանգը, օր առաջ այդ վտանգը պետք է կանխարգելենք: Մենք հուսով ենք, որ այս գործընթացին օժանդակելու են նաև երևանյան գործող իշխանությունները»,-ասաց Սեֆիլյանը:
Ամբողջական հոդվածը կարող եք կարդալ այստեղ
