Վենետիկի պատմական կենտրոն մուտքի համար կվճարեն զբոսաշրջիկները, ովքեր չեն նախատեսում գիշերն այնտեղ անցկացնել։ Այս մասին հայտարարել է քաղաքապետ Լուիջի Բրունյարոն, գրում է Daily Mail-ը։

Ենթադրվում էր, որ մուտքի վճար կսահմանվի մայիսի 1-ից։ Սակայն Բրունյարոն հայտարարել է, որ մուտքի վճարներին սահմանումը մի քանի ամսով կհետաձգվի։ Քաղաքապետը ցանկանում էր այդ ամենն ավարտին հասցնել մինչև ամառ, սակայն հայտարարել է, որ պետք չէ շտապել, և ամեն ինչ կախված է փոխադրողներից, քանի որ վճարը կներառվի տոմսի արժեքում։

Այն զբոսաշրջիկները, որոնք Վենետիկի հյուրանոցներում կգիշերեն, միայն զբոսաշրջային տուրք կվճարեն։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել