Ավստրալիայում դեռահասը հավկիթով հարվածել է սենատոր Ֆրեյզեր Էնինգի գլխին, որը մեկնաբանություն է տվել Նոր Զելանդիայի մզկիթներում ահաբեկչությունների վերաբերյալ՝ մասնակիորեն մեղավոր համարելով մահմեդական ներգաղթյալներին։ Հարձակման տեսագրությունը հրապարկվել է Twitter-ում։

Ավստրալիայի Քվինսլենդ նահանգի սենատոր Ֆրեյզեր Էնինգը հայտարարել է, որ տվյալ ահաբեկչությանը հանգեցրել է նաև միգրացիոն ծրագիրը, որն իրականացնում են Նոր Զելանդիայի իշխանությունները։ Դա մոլի մահմեդականներին թույլ է տալիս այդ երկիր տեղափոխվել։

Հիշեցնենք, որ մարտի 15-ին Նոր Զելանդիայի Քրայսթչերչ քաղաքի հարևանությամբ գտնվող երկու մզիկթներում հրաձգություն է տեղի ունեցել։ Հարձակվողներից մեկը Բրենթոն Տարանտն է եղել, որը հեռարձակել է հարձակումը՝ այն ահաբեկչություն անվանելով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել