«ՀՀ Ազգային ժողովի «Իմ քայլը» խմբակցության պատգամավոր էդգար Առաքելյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2019թ. պաշտոնը ստանձնելու հայտարարագիրը:
Հանձնաժողովի պաշտոնական կայքում հրապարակված փաստաթղթից տեղեկանում ենք, որ է. Առաքելյանը հայտարարագրել է բնակարան, ինչպես նաև TOYOTA RAV 4 2.4 մակնիշի ավտոմեքենա:
Պաշտոնը ստանձնելու օրվա դրությամբ պատգամավորի դրամական միջոցները կազմել են 1 600 000 ՀՀ դրամ և 1600 ԱՄՆ դոլար:
Պաշտոնական պարտականությունները ստանձնելու տարվա հունվարի 1-ից մինչև պաշտոնական պարտականությունները ստանձնելու օրը ստացված եկամուտների վերաբերյալ տվյալներ չկան:
Նշենք, որ մինչ այս` 2017-2018 թվականներին, էդգար Առաքելյանն աշխատել է «Թեոկեն» ՍՊԸ-ում` որպես ծրագրավորող, իսկ 2016-2017 թվականներին եղել է «Բի Վեբ Սիսթեմս» ընկերության ծրագրավորողը»,-գրում է թերթը:
Նյութն ամբողջությամբ կարդացեք թերթի այսօրվա համարում: