Tert.am-ը գրում է.
Միացյալ Նահանգներն Իրանի պատժամիջոցների հարցում ընտրովի մոտեցում չի ցուցաբերում: Tert.am-ի հարցմանն այսպես են պատասխանել ՀՀ-ում ԱՄՆ դեսպանատնից՝ պատասխանելով հարցմանը, թե արդյոք ԱՄՆ-ն պատրաստվո՞ւմ է նոր պատժամիջոցներ կիրառել Հայաստանի նկատմամբ՝ Իրանի հետ համագործակցություն ունենալու պատճառով: Դեսպանատունը մատնանշում է սակայն, որ ԱՄՆ-ն Իրանի հետ համագործակցության վերաբերյալ իր բոլոր գործընկերներին նույն ուղերձն է հղում՝ ակնկալելով, որ Իրանը կկատարի իր պարտավորությունները որպես Միավորված ազգերի կազմակերպության ու միջազգային հանրության անդամ:
Պատասխանն ամբողջությամբ՝ ներքևում.
«Միացյալ Նահանգներն Իրանի պատժամիջոցների հարցում ընտրովի մոտեցում չի ցուցաբերում: Առավելագույն ճնշումների մեր արշավը փաստացի ծավալվում է աշխարհով մեկ:
Մենք հասկանում ենք, որ Հայաստանին անհրաժեշտ է պահպանել բարիդրացիական հարաբերություններ իր հարավային հարևանի հետ, սակայն Իրանի հետ համագործակցության վերաբերյալ մեր բոլոր գործընկերներին մենք նույն ուղերձն ենք հղում՝ ակնկալելով, որ Իրանը կկատարի իր պարտավորությունները որպես Միավորված ազգերի կազմակերպության ու միջազգային հանրության անդամ: Նաև մենք Հայաստանը դիտարկում ենք որպես Միացյալ Նահանգների կարևոր գործընկեր տարածաշրջանում:
Ամբողջական հոդվածը կարող եք կարդալ այստեղ
