ԱԺ-ում լրագրողների հետ զրույցում արտաքին գործերի նախարար Զոհրաբ Մնացականյանը նշեց, որ դեռևս չեն կարող հստակ ասել, թե երբ և որտեղ է սպասվում Փաշինյան-Ալիև առաջիկա հանդիպումը: «Կա ձևավորված մշակույթ, որ մենք համաձայնեցնում ենք ամենը, հետո միաժամանակ հայտարարում ենք, այդ պահը դեռևս չի եկել, որպեսզի հայտարարենք»,-ասաց նա:
Իսկ թե ինչ օրակարգով են գնում, ասաց, որ այն արտահայտված է հստակ: «Արտահայտված է վարչապետի Ստեփանակերտում հնչեցված ելույթում, այդ մոտեցումների շուրջ և այդ տրամաբանությամբ ցանկանում ենք շարունակել երկխոսությունը»,-ասաց նա:
Հարցին, թե սեղանին արդյո՞ք մադրիդյան երեք սկզբունքներն են և այն վեց տարրերը, որոնց մասին համանախագահները նշել են, նախարարն ասաց, որ տարբեր հարցեր ունեն: «Կա բանակցային ձևավորված շրջանակը, երեք տարրերը և վեց սկզբունքները, և ինչպես վարչապետն ասաց, կարևոր է, թե կողմերը դրանք ինչպես են մեկնաբանում և ընկալում: Հստակ արտահայտել ենք, թե ինչ գերակայություն ունեն ստատուսի և անվտանգության խնդիրները, որոնք իրենց արտահայտությունն ունեն այդ երեք սկզբունքների և վեց տարրերն ընդգրկող փաստաթղթում, և գիտեք որքան հստակ ենք եղել մենք մեր մոտեցումներով, որոնք վերաբերում են առաջին հերթին ստատուսսին և անվտանգությանը»,-ասաց նա:
Ամբողջական հոդվածը կարող եք կարդալ այստեղ