Սպարտացիները շատ դաժան մոտեցում են ունեցել երեխաների դաստիարակության և գալիք պատերազմներին պատրաստելու հարցում։ Այն փաստը, որ նրանք թույլ երեխաներին նետել են ժայռերից, մեզ հայտնի է դարձել անտիկ հույն գրող Պլուտարքոսից։ Սակայն ժամանակակից գիտնականները հակված են այն մտքին, որ սա կա՛մ սխալ է, կամ էլ շատ քիչ հանդիպող երևույթ և ոչ թե մշտական գործընթաց։

Հին Սպարտայում իրոք գոյություն ուներ մարդկանց փոսը գցելու ավանդույթ, սակայն նետվողները հիմնականում գերիներ և հանցագործներ էին լինում։

Վերջերս իրականացված մարդաբանական (անթրոպոլոգիական) հետազոտությունները հաստատում են այս փաստը։ Մնացորդների ուսումնասիրությունը ցույց է տվել, որ դրանք պատկանում են 18-35 տարեկան տղամարդկանց։ Հայտնաբերվել են նաև այլ ոսկորներ, սակայն նորածինների հետքեր չեն հայտնաբերվել, այդ պատճառով այսօր կարող ենք ասել, որ Սպարտայում թույլ երեխաներին սպանելու ավանդույթ չի եղել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել