Մարտի 11-ին, ժամը 04.05-ին, ոստիկանության Էրեբունու բաժին հաղորդում է ստացվել, որ ուզում են լինգով կոտրել Էրեբունու փողոցի 33 շենքի մոտ տեղադրված «Իզի Փեյ» ապարատը:
Մեկնած ոստիկանության Երևան քաղաքի վարչության ՊՊԾ գնդի 1-ին վաշտի ծառայողները նույն օրը, ժամը 04.30-ին, Էրեբունի փողոցից, գողություն կատարելու կասկածանքով, բերման են ենթարկել 1988 թ. ծնված Սերգեյ Ա.-ին, որը խոստովանական բացատրություն է տվել, որ տեխնիկական միջոցների գործադրմամբ փորձել է գողություն կատարել վճարային տերմինալից:
Վնասի չափը պարզվում է:
Սերգեյ Ա.-ն ձերբակալված է:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
