Operativ.am-ը գրում է․

Իտալիայի իշխող կուսակցություններից մեկը՝ «Լիգա»-ն, հաստատակամորեն սատարել է չինական «Մեկ գոտի, մեկ ուղի» նախաձեռնությունը՝ հայտարարելով, որ այն պետք է խթանի տեղական բիզնեսը եւ ոչ թե սպառնա ազգային անվտանգությանը՝ հայտնում է 
Reuters-ը։

Իտալիայի վարչապետ Ջուզեպե Կոնտեն հայտարարել է, որ ինքը կարող է 
փոխըմբռնման մասին հուշագիր ստորագրել, որպեսզի Չինաստանի ենթակառուցվածքի 
պլանի մաս դառնան, երբ Չինաստանի նախագահ Սի Ցզինպինը մարտին այցելի Հռոմ 
եւ Պալերմո։

Այս հեռանկարը տագնապ է առաջացրել Իտալիայի արեւմտյան գլխավոր դաշնակից 
Միացյալ Նահանգների մոտ, որը Կոնտեին կոչ է արել հրաժարվել այդ պլանից՝ 
չինական նախաձեռնությունը անվանելով «սնափառության նախագիծ», որը օգուտ չի 
բերի իտալական տնտեսությանը։

Ամերիկյան մտահոգությունը լարվածություն է առաջացրել Իտալիայի իշխող կոալիցիայում։

«Մենք բացարձակապես պատրաստ չենք անել դա, եթե խոսքը Իտալիան 
գաղութացնող արտասահմանյան ընկերությունների մասին է»,- լրագրողներին ասել է
«Լիգա»-ի առաջնորդ Մատեո Սալվինին։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել