Armsport.am-ը գրում է.
Մադրիդի «Ռեալի» մի քանի ֆուտբոլիստներ կտրուկ դեմ են Ժոզե Մոուրինյուի՝ թիմի գլխավոր մարզչի պաշտոնին վերադառնալուն:
Ինչպես հայտնում է Daily Mail-ը՝ «սերուցքայինների» ավագ Սերխիո Ռամոսը սպառնացել է ակումբից հեռանալով, եթե պորտուգալացին վերանշանակվի որպես գլխավոր մարզիչ:
Ժոզե Մոուրինյուի վերադարձին դեմ են նաև Գարեթ Բեյլը, Կարիմ Բենզեման ու Մարսելոն, սակայն ակումբի նախագահ Ֆլորենտինո Պերեսը հայտարարել է, որ ֆուտբոլիստները մարզչի ընտրության հարցում ձայնի իրավունք չեն ունենալու:
Հիշեցնենք, որ Մոուրինյուն «Ռեալը» գլխավորել է 2010-2013 թվականներին: «Արքայական ակումբը» նրա գլխավորությամբ հաղթել է Լա լիգան, Իսպանիայի Գավաթն ու Սուպերգավաթը:
Նյութի աղբյուր՝ http://www.armsport.am/hy/news/2019/03/11/Ramos/961422
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել