«ՀՀ կրթության և գիտության նախարարի տեղակալ Գրիշա Թամրազյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2019թ. պաշտոնը ստանձնելու հայտարարագիրը:
Պաշտոնը ստանձնելու օրվա դրությամբ հայտարարատու պաշտոնատար անձի արժեթղթերը և այլ ներդրումները ենթաբաժնում Գ. Թամրազյանը հայտարարագրել է 191235000 ՀՀ դրամ բաժնեմաս:
Պաշտոնը ստանձնելու օրվա դրությամբ Գ. Թամրազյանի հանձնած փոխառությունները կազմել են 1200000 ՀՀ դրամ: Հանձնաժողովին ներկայացրած փաստաթղթում տվյալներ չկան անշարժ և շարժական գույքի մասին:
Ինչ վերաբերում է դրամական միջոցներին, ապա պաշտոնը ստանձնելու օրվա դրությամբ ԿԳ փոխնախարարի դրամական միջոցը կազմել է 39 500 դոլար:
Պաշտոնական պարտականություններն ստանձնելու տարվա հունվարի 1-ից մինչև պաշտոնական պարտականությունները ստանձնելու օրը ստացված եկամուտն էլ կազմել է 562190 ՀՀ դրամ, որը գոյացել է աշխատավարձից:
Հավելենք, որ մինչ ԿԳ փոխնախարարի պաշտոնին նշանակվելը, Գրիշա Թամրազյանը զբաղեցնում էր Երևանի Վ. Բրյուսովի անվան լեզվահասարակագիտական համալսարանի պրոռեկտորի պաշտոնը»,-գրում է թերթը:
Նյութն ամբողջությամբ կարդացեք թերթի այսօրվա համարում: