Մարդու բնավորության վրա ազդում են ոչ միայն նրա ծնվելու ամիսը և ժամը կամ կենդանակերպի նշանը, այլ նաև ժառանգաբար փոխանցված որոշ գեներ։ Սակայն սա չի նշանակում, որ այդ գեները 100 %-ով ազդում են մարդու վրա, քանի որ այստեղ մեծ դերակատարում ունեն նաև դաստիարակությունը և այն միջավայրը, որտեղ նա մեծացել է, հետևաբար ճիշտ դատիարակության շնորհիվ բնավորության բացասական գծերը կարելի է փոխարինել դրականով։
Բնավորության ո՞ր գծերը կարող են փոխանցվել ժառանգաբար։
Ծուլություն
Մարդու ակտիվության համար պատասխանատու է 36 գենից բաղկացած հավաքածուն, որը կարող է ժառանգաբար փոխանցվել։ Իհարկե, պետք չէ ծուլության ցանկացած դրսևորման մեղավոր համարել գեներին, սակայն այն փաստը, որ մարդու ակտիվությունը կամ պասիվությունը որոշվում է գեներով, ոչ մի կասկած չի թողնում։
Հետաքրքրասիրություն
Նկատե՞լ եք, որ որոշ մարդիկ շատ հետաքրքրասեր են, սիրում են ճանապարհորդել, իմանալ ցանկացած նոր բան և այլն։ Ամբողջ խնդիրը DRD4-7R գենի մեջ է, որը պատասխանատու է այս որակների դրսևորման համար և շատ հազվադեպ հանդիպող է համարվում։ Ամբողջ մարդկության միայն 20%-ն է կրում այս գենից։
Բարություն
Մարդու օրգանիզմում կա գեն, որը պատասխանատու է օքսիտոցին հորմոնի արտադրության համար։ Սա երջանկության հորմոնն է, որից էլ կախված է, թե որքան բարի կլինի մարդը։
Ուշադրություն
Ուշադրության կենտրոնացվածությունը, ըստ որոշ գիտնականների, նույնպես փոխանցվում է ժառանգաբար, այնպես որ, հիշեք այս մասին, երբ հերթական անգամ կփորձեք ձեր երեխային մեղադրել ցրվածության և անուշադիր լինելու մեջ։
Սթրեսակայունություն
Սթրեսային իրավիճակներում արագ և ճիշտ արձագանքելու կարողությունը նույնպես փոխանցվում է ժառանգաբար։ Գոյություն ունի գեն, որը մարդուն օգնում է չկորցնել ինքնատիրապետումը և խուճապի չմատնվել արտակարգ իրավիճակներում։