Yerkir.am-ը գրում է.
ՀՀ պաշտպանության նախարար Դավիթ Տոնոյանը բացառում է առանց Հայաստանի Հանրապետության համաձայնության ՀԱՊԿ գլխավոր քարտուղարի նշանակման հնարավորությունը: Այդ մասին այսօր նա ասաց Եռաբլուրում լրագրողների հետ ճեպազրույցում:
Դիտարկմանը՝ օրերս Բելառուսի` գլխավոր քարտուղարի թեկնածու Ստանիսլավ Զասը հայտարարել է, որ ՀԱՊԿ կանոնակարգը թույլ է տալիս սահմանափակ կազմով որոշում կայացնել, Դավիթ Տոնոյանն արձագանքեց. «Ես այդ հնարավորությունը բացառում եմ։ Դա ՀԱՊԿ գլխավոր քարտուղարի նշանակում է, ինչ-որ որոշում չէ մարտավարական կամ օպերատիվ-մարտավարական օղակում։ Դա ռազմավարական դաշինքի գլխավոր քարտուղարին ընտրելու խնդիր է, ինչպե՞ս կարելի է առանց դաշինքի մեկ անդամի ընտրել, նշանակել քարտուղար։ Կանոնակարգն այդպիսի բան թույլ չի տալիս, կանոնակարգն այլ բան է թույլ տալիս, բայց ոչ` գլխավոր քարտուղարի ընտրության հարցում», -
Նախարարը հավելեց, որ այս պահին ՀՀ ԱԳՆ-ն համապատասխան աշխատանքներ է տանում ՀԱՊԿ-ում, ՀԱՊԿ-ի քարտուղարությունը ևս համապատասխան աշխատանքներ է իրականացնում այս հարցի լուծման ուղղությամբ:
Ինչ վերաբերում է սահմանին տիրող իրավիճակին, Դավիթ Տոնոյանը հայտնեց՝ կայուն վերահսկելի է:
