Երբեմն բոլորս էլ պահանջ ենք ունենում ինքներս մեզ հետ մնալու՝ հոգեկան հանգստության և ինչ որ գաղափարների և նախագծերի վրա կենտրոնանալու համար։
Իսկ ինչում է կայանում միայնակ կնոջ առավելությունը։
1. Չկա ավելորդ ինֆորմացիայով գերբեռնում
Մենք գերծանրաբեռնված ենք տարբեր տեղերից հորդող ինֆորմացիայով, լինի դա համացանցը, հեռուստացույցը, թե տունը կամ տրանսպորտը։ Կանգ առնել և մնալ լռության մեջ, մաքրել ուղեղը ավելորդ «ֆայլերից» շատ օգտակար է լինում։
2. Ունենում են ստեղծագործելու ժամանակ
Ոգեշնչումը, ինչպես և իրական գլուխգործոցները միշտ միայնության մեջ են ի հայտ գալիս։
3. Պայծառանում է ընկալումը
Ժամանակ տրամադրելով ինչ որ իրադարձություններ վերլուծելուն, պայծառանում է ընկալումն ու դատողություններում պարզություն է հայտնվում, ավելի հստակ է ձևակերպվում միտքը։
4. Նվազում է սթրեսի մակարդակը
Երբ չկան արտաքին գործոնների հետ կապված սպասումներ, ապա չկան նաև հիասթափություններ, անցնում է անհանգստությունն ու հուզմունքը։
5. Բարձրանում է արտադրողականությունը
Առաջադրանքների կատարման վրա կենտրոնացումը և շեղող հանգամանքների բացակայությունը բարձրացնում են մոտիվացիան և աշխատանքի համար էներգիա են տալիս։
6. Հագնվել սեփական ճաշակով
Միշտ կարելի է հագնել այն, ինչ դուր է գալիս և հարմար է։
7. Նայել սիրելի ֆիլմերն ու հաղորդումները
Միշտ չէ, որ մարդկանց ճաշակները համընկնում են. լավ է տասներորդ անգամ միայնակ կինո գնալ սիրելի ֆիլմը նայելու, քան մեկ անգամ անհասկանալի սպորտային հաղորդում դիտել։
8. Պատրաստել սիրելի ուտեստները
Պատրաստել այն ինչ սիրում ես, և չտեսնել նրանց դժգոհ դեմքերը, ում ճաշակով այդ ուտեստը չէ։
9. Չկորցնել ես–ը
Պետք չէ թեմաներ մտածել,սեղանի շուրջ զրույցը պահելու համար և լցնել անհարմար դադարները, եթե զրուցակիցները հաճելի չեն և շփվելու ցանկություն չեն առաջացնում։
10. Զուգընկերոջ ընտրության ազատություն
Առանց մեկնաբանության։
Դե, կարծում ենք համոզեցինք, որ միայնակ կինը ինքնաբավ անձնավորություն է, որը միշտ զբաղմունք ունի, նա հետաքրքիր զրուցակից է և տարբեր հետաքրքրություններով տարված մարդ։