Դիվանագետի օրվա կապակցությամբ ՀՀ նախագահ Արմեն Սարգսյանը դիվանագիտական աստիճաններ է շնորհել մի շարք պաշտոնյաների։ Այս մասին տեղեկացնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը։ Նախագահի հրամանագրում ասվում է.

«Հիմք ընդունելով վարչապետի առաջարկությունը՝ համաձայն Սահմանադրության 132-րդ հոդվածի 3-րդ մասի և «Դիվանագիտական ծառայության մասին» Հայաստանի Հանրապետության օրենքի 21-րդ հոդվածի 1-ին մասի՝

Դիվանագետի օրվա կապակցությամբ արտակարգ և լիազոր դեսպանի դիվանագիտական աստիճան շնորհել՝

Ձյունիկ Ֆրունզեի Աղաջանյանին (Ինդոնեզիայի Հանրապետությունում Հայաստանի Հանրապետության արտակարգ և լիազոր դեսպան),

Գրիգոր Խաչատուրի Առաքելյանին (արտաքին գործերի նախարարի խորհրդական),

Գագիկ Կիմիկի Ղալաչյանին (Ղազախստանի Հանրապետությունում Հայաստանի Հանրապետության արտակարգ և լիազոր դեսպան),

Սամվել Ստեփանի Մկրտչյանին (Լեհաստանի Հանրապետությունում Հայաստանի Հանրապետության արտակարգ և լիազոր դեսպան արտակարգ դեսպանորդ),

և լիազոր նախարարի դիվանագիտական աստիճան շնորհել՝

Տիգրան Թելմանի Գևորգյանին (Սիրիայի Արաբական Հանրապետությունում Հայաստանի Հանրապետության արտակարգ և լիազոր դեսպան),

Հասմիկ Լիպարիտի Դաշտոյանին (արտաքին գործերի նախարարության Եվրոպայի վարչության երկկողմ հարաբերությունների երկրորդ բաժնի վարիչ),

Լիլիթ Մարտունի Թութխալյանին (արտաքին գործերի նախարարության Եվրոպայի վարչության խորհրդական),

Մհեր Կամսարի Մկրտումյանին (Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան),

Հասմիկ Գարեգինի Սահակյանին (արտաքին գործերի նախարարության հյուպատոսական վարչության միգրացիայի բաժնի վարիչ),

Արմեն Գուրգենի Սարգսյանին (Հալեպում Հայաստանի Հանրապետության գլխավոր հյուպատոս),

Կարինե Կառլենի Սուջայանին (արտաքին գործերի նախարարության միջազգային կազմակերպությունների վարչության մարդու իրավունքների և հումանիտար հարցերի բաժնի վարիչ),

Հրաչյա Արշակի Փոլադյանին (Իրաքի Հանրապետությունում Հայաստանի Հանրապետության արտակարգ և լիազոր դեսպան)»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել