Ինդոնեզական ռադիոյի ցերեկային եթերում արգելվել է Էդ Շիրանի և Արիանա Գրանդեի երգերի հեռարձակումը, հաղորդում է Tempo-ն:
Գրաքննության հանձնաժողովի ղեկավար Ռահմաթ Արիֆինի խոսքերով՝ ստեղծագործությունները հանվել են «պոռնոգրաֆիայի, պոռնոգրաֆիայի հետ ասոցիաիցայի և անպարկեշտ բառապաշարի» պատճառով:
Հանձնաժողովում նաև հավելել են, որ ցուցակը խորհրդատվական է և ռադիոկայանների նկատմամբ, որոնք դա հաշվի չեն առնի, պատժամիջոցներ չեն կիրառվի:
Ցանկում, ընդհանուր առմամբ, ներառվել է 17 երգ, որոնց թվում են Էդ Շիրանի, Արիանա Գրանդեի, Զեյն Մալիկի և Մարուն 5-ի կոմպոզիցիաները:
Ավելի վաղ հայտնի է դարձել, որ Արիանա Գրանդեն կրկնել է The Beatles լեգենդար խմբի 55-ամյա ռեկորդը: Միացյալ Նահանգներում նրա երգերից միանգամից երեքը զբաղեցրել են շաբաթվա հիթ շքերթի վերին երեք հորիզոնականները՝ ըստ Billboard ամսագրի վարկածի:
