Yerkir.am-ը գրում է.

Կառավարությունում լրագրողների հետ ճեպազրույցում Տնտեսական զարգացման և ներդրումների նախարար Տիգրան Խաչատրյանն՝ անդրադառնալով «Ֆլեշ» ՍՊԸ նախագահ Բարսեղ Բեգլարյանի այն հայտարարությանը, որ առաջիկայում բենզինը թանկանալու է, ասաց, որ Հայաստանյան շուկան բաց շուկա է, և եթե միջազգային շուկայում բենզինի գները բարձրանան, ներքին գինը կբարձրանա և հակառակը։ Նա ընդգծեց, որ ամենակարևորն այն է, որ շուկայում գինը որոշի շուկան` հավելելով, որ որքան շատ խաղացողներ հայտնվեն շուկայում, այնքան մրցակցության աստիճանը կբարձրանա:

Հարցին՝ բենզինի շուկայում նոր խաղացողներ կհայտնվեն, Տիգրան Խաչատրյանը դրական պատասխանեց՝ նշելով, որ ներկայում դրսից ներդրողների հետ քննարկումներ են ընթանում։

«Կան չօգտագործված հնարավորություններ, կլինեն նոր խաղացողներ, սահմանափակումներ չեմ տեսնում »,- ասաց նախարարը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել