Armsport.am-ը գրում է.
Հայաստանի ազգային հավաքականի և «Ուրալի» պաշտպան Վարազդատ Հարոյանն ակումբի մամուլի քարտուղարության հետ զրույցում մեկնաբանել է Երևանի «Արարատի» հետ անցկացրած ընկերական խաղի արդյունքը:
«Ուրալը», հիշեցնենք, Կիպրոսում կայացած ստուգողական խաղում նվազագույն հաշվով հաղթել է երևանյան թիմին.
«Մենք օգտակար խաղ անցկացրինք:
Ուրախ եմ, որ մեզ համար բարդ ստացվեց հայկական թիմի հետ խաղը: Այո, ռուսական Պրեմիեր-լիգայի ու հայկական Պրեմիեր-լիգայի մակարդակները տարբեր են, բայց ակնհայտ է, որ Հայաստանում ֆուտբոլի մակարդակը բարձրանում է:
Չէի մտածում, որ նրանք կկարողանան այդքան գրագետ խաղալ ու այդպես պրեսինգի դիմել: Այդ փաստն ինձ ուրախանցում է: Մեզ համար, իհարկե, ամենակարևորն այն է, որ մենք կարողացանք հաղթանակի հասնել: Կշարունակենք պատրաստվել «Զենիթի» հետ խաղին»,- Հարոյանի խոսքերն է փոխանցում «Ուրալի» պաշտոնական կայքը:
