Տեսեք, թե ինչպես կարելի է անհավանական համեղ ռուլետներ պատրաստել հավի փափկամսից՝ բանջարեղենի, հալած պանրի և ընկույզի խառնուրդից պատրաստված միջուկով։ Այս ուտեստը ձեր տոնական սեղանին, անկասկած, իր պատվավոր տեղը կգրավի և կհիացնի ձեր հյուրերին։
Անհրաժեշտ բաղադրիչներ
- Հավի փափկամիս – 500 գ
- Գազար – 1 հատ
- Ընկույզ – 40 գ
- Պաքսիմատ – ըստ ճաշակի
- Աղացած սև պղպեղ – ըստ ճաշակի
- Սոխ – 1 հատ
- Հալած պանիր – 100 գ
- Ձու – 1 հատ
- Բուսայուղ – ըստ ճաշակի։
1. Լվացեք և կտրատեք հավի փափկամիսը շերտերով, միսը լավ ծեծեք, աղ ու պղպեղ արեք։
2. Մաքրեք և մանրացրեք սոխը, քերիչով անցկացրեք գազարը։ Սոխը բուսայուղի մեջ տապակեք, ավելացրեք գազարը և խառնեք մինչև փափկելը։ Ըստ ճաշակի համեմունքներ արեք։
3. Փոքր խորանարդիկներով կտրատեք հալած պանիրը և դրեք թավայի մեջ՝ անընդհատ խառնելով բաղադրիչները, մինչև պանիրը հալվի, և զանգվածը համասեռ դառնա։
4. Այս խառնուրդը լցրեք խորը թասի մեջ, ավելացրեք մանրացրած ընկույզը և լավ խառնեք։
5. Հավի փափկամսի ծայրին դրեք 1 թ/գ միջուկ և ռուլետի նման փաթաթեք։ Հետո ռուլետները թաթախեք հարած ձվի մեջ և պատեք պաքսիմատով։
6. Ռուլետները տապակեք բուսայուղով տաքացված տապակի մեջ երկու կողմից, մինչև պատրաստ կլինեն։
7. Պատրաստի ռուլետները դրեք թղթե անձեռոցիկների վրա, որպեսզի ավելորդ յուղը դուրս գա։
