Երգչուհի Արիանա Գրանդեն կրկնել է The Beatles խմբի ռեկորդը, որը սահմանվել է 1964-ին, հաղորդում է Billboard-ը։ Նրա երեք երգերը միաժամանակ զբաղեցնում են Billboard Hot 100 հիթ-շքերթի առաջին երեք հորիզոնականները։

Առաջին տեղում արդեն չորս շաբաթ է Գրանդեի 7 Rings երգն է։ Երկրորդ տեղում Break Up With Your Girlfriend, I’m Bored ստեղծագործությունն է։ Առաջատարների եռյակը եզրափակում է Thank U, Next երգը՝ նույնանուն ալբոմից։

Նշվում է, որ ավելի վաղ այդպիսի ռեկորդ է սահմանել The Beatles խումբը․ 1964-ին խմբի երեք երգեր հինգ շաբաթ զբաղեցրել են հիթ-շքերթի առաջին երեք հորիզոնականները։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել