«Ծեր» սերմնաբջիջներից սաղմնավորված երեխաներն ավելի ամուր առողջություն և երկար կյանք են ունենում։ Այս մասին տեղեկացնում են Հարավային Անգլիայի և Ուփսալայի համալսարանների գիտնականները։

Սերմնաբջիջները տարբեր գենետիկ նյութեր են պարունակում, ինչն էլ ազդում է սերնդի առողջության և այլ առանձնահատկությունների վրա, հայտարարել են հետազոտողները Naked Science-ի հրապարակման մեջ։

Հետազոտության շրջանակներում գիտնականները արտամարմնային բեղմնավորման շարք են կատարել՝ օգտագործելով դանիո-ռերիո ձկների արուների սեռական բջիջներն ու էգերի ձկնկիթը։ Արուների էյակուլյատը, որը նախատեսված էր բեղմնավորման համար, բաժանվել է երկու կարգի՝ «նոր» սերմնաբջիջներով, որոնք օգտագործվել են անմիջապես նյութի ընտրությունից հետո, և «ծեր» սերմնաբջիջներով։

Image result for

Արտամարմնային բեղմնավորումից հետո ծնված սերնդի դիտարկումը ցույց է տվել, որ նրանք, որոնք սաղմնավորվել էին «ծեր» սերմնաբջջի օգտագործմամբ, եղել են ավելի առողջ և ունեցել երկարակյացների շարքերը համալրելու ավելի մեծ հնարավորություններ։

Այսպիսով՝ գիտնականները եզրահանգել են, որ սերմնաբջջի տարիքը կարող է ազդել սերնդի հարմարվողականության և վերջնարդյունքում՝ նրա կյանքի տևողության վրա։

Այս հայտնագործությունը մեծ նշանակություն ունի այն ոլորտների համար, որտեղ կիրառվում են բեղմնավորման օժանդակ տեխնոլոգիաներ, մասնավորապես՝ մարդկանց արտամարմնային բեղմնավորման ոլորտում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել