Ադրբեջանցիք ակտիվորեն այրում են Հայաստանի դրոշը, նման քայլերով նրանք փորձում են ավելի լարել ժողովրդին հայերի դեմ։ Փաստորեն, խաղաղության նախապատրաստելու գործընթացը միայն մեզ է վերաբերում, փոխարենը իրենք թե՛ պետական, թե՛ քաղաքացիական մակարդակով գնում են իրավիճակն ավելի լարելուն։

Դրան գումարած՝ օր ու գիշեր ամենաբարձր մակարդակով խոսում են պահանջների, հողերի ու խնդրի լուծման մասին։ Այս ամենի տակից Ադրբեջանը մի ձևով պետք է դուրս գա։ Ժողովրդին երկար ժամանակ նման վիճակում չի կարողանալու պահել։ Իսկ թե ինչ ճանապարհ նա կընտրի, արդեն կախված է մեզնից ու մեր մեջ տարվող աշխատանքներից։ Կախված է այն հանգամանքից, թե պետության ամենաբարձր մակարդակով ինչպես են տրամադրված ժողովրդին խաղաղության նախապատրաստելու գործընթացին։ Պարզ երևում է, որ հակառակորդը տրամադրված չէ ժողովրդին խաղաղության տրամադրելու գործին։ Բայց դե մենք կարանք ստիպենք, որ երևակայությունների մեջ շատ հեռու չգնան։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել