Տեխասի նահանգի ոստիկանությունը փրկել է երեխաներին նրանց սեփական ծնողներից․ չորս և հինգ տարեկան քույր և եղբորը պատահաբար հայտնաբերել են շան բնում։
Դեռ ուշքի չեկած այդ տեսարանից՝ ոստիկանները նոր ցնցում են ապրել․ հարևան տնակում ևս երկու երեխաներ են հայտնաբերվել՝ մեկ և երեք տարեկան տղաներ։ Բոլոր երեխաներն էլ կեղտոտ, սոված և կիսամերկ են եղել։
«Տնակում ահավոր տհաճ հոտ է եղել և կեղտ։ Կեղտոտ հագուստ, անկողին, մեզի և կղանքի հետքեր ու կատուներ»,- պատմում է շերիֆը։
24-ամյա ամուսիններն իրենք են ոստիկաններին կանչել։ Նրանք հաճախ են վիճել և քաշքշել միմյանց։ Երբ իրավապահները հարթել են նրանց տարաձայնությունները և պատրաստվել են հեռանալ, հանկարծ երեխայի լացի ձայն են լսել։
Այժմ ոստիկանները հետաքննություն են սկսել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
